Aktualisiert am: 26.03.2020
|
Der Gastwirtssohn Reinhard Witte besuchte von 1891 bis 1899 die Schule in Jeddeloh I. Er konnte sich noch gut an seine Schulzeit erinnern.
Friedrich Winkler hat die Erinnerungen des derzeit 91jährigen niedergeschrieben:
Reinhard Witte, Mitbegründer der Freiwilligen Feuerwehr Jeddeloh II. Bild: Jelto Burmeister
"At ick 1891 in Jeddeloh na de School keem, weer'n wi 120 Kinner inne Klass'. Leer'n deer'n wi so veel at nix. Schoolmester Haverkamp, den wi domals harr'n, weer all'n oolen Keerl un uck noch krank dorto. He harr so'n spitz un magert Gesicht. Uthülplehrers van't Seminar mörr'n um vertreern. All sechs Weeken keemen annere. Dorbi leer'n wi uck nix. Wi fungen jedesmol woller van vör'n int Reekenbook an. So gung dat veer Johr lang.
Do kreegen wi Schoolmester Osterthun, de up'n Wischen anne School weer. Man dat weer'n Keerl! He harr so'n langen swaten, veerkantigen Vullbart. Dor kunn man alleen all Angst vor kriegen. Dat weer ähnlich so'n Bart, at de westerstäerer Pastor een harr, de mi vör'n poor Johr, at ick in Wester-stäer in't Krankenhus leg, mol besöken deer. Do hebb ick noch so bi mi dach, dat harr uck woll'n Osterthuner wesen kunnt.
Dissen Schoolmester Osterthun, dat weer'n ganzen strengen. He harr ümraer 'n Nötenstock in de Hand un stun denn dormit ümmer achter us un keek us öwer de Schuller, wenn wi an't Schriewen weer'n. Man wehe, harr'n wi mol'n Wort verkehrt schrewen, denn geew dat een mit'n Nötenstock. Manchmol keem he uck bi us inne Wirtschaft. Sobold wi um inne Sicht kreegen, schleeken wi Kinner us wiet vor um ut'n Weg.
Sömmerdags möß'n de groten Jungs ut'e Böberklaas um mit bi't Hei helpen. Wat "Slar'n Jann" is, ick meen Jann Frahmann, weer damals at Schooljung uck ümmer mit dorbi. Nu is mal folgendes passeert:
Fro Osterthun keem meist mit inne Heiwisch, se paß up, dat de Jungs uck wat doon deen. Sülben harr se de Hark uck in de Hand, man bloot, se kunn dor nich so rech mit ümgahn.
Se gung bi't Heikehren ümmer röögels. At se nu an'n Enn van de Wisch ankeem, Slar'n Jann harrt all invörn ahnt, da passeer dat Malheur. Fro Osterthun füll mitsamt ehr'n Flutterhoot un de Hark röögels ower Kopp to de Vehn 'rin. Man dat Pleseer van de groten Jungs harr'n Se sehn mos, at de Schoolmester-Fro koppheister in de Vehn susen deer. De Jungs hebbt eh'r denn woller an't öwer trucken, klittjenatt weer se, un ganz sauber seeg se van dat brune Moorwater uck nich ut. Slar'n Jann, de düchtig mit tofat harr, kreeg achterna noch fief Groschen von Fro Osterthun."
Stammbaum der Familie Witte (hier)
Mehr Informationen über die Gaststätte Witte hier
Archiv: Klaus Kruse, Jeddeloh I |
|
